எங்கள் வலைப்பூவை [ஸ்]வாசிக்க வந்த உங்களை வரவேற்கிறேன்.

Sunday, February 25, 2018

என்னன்னு சொல்லுங்க – புகைப்பட புதிர் விடைகள்




நேற்றைய பதிவில் மூன்றாவது புகைப்படப் புதிராக ஐந்து படங்களை வெளியிட்டு இருந்தேன். யார் யார் பதிலை சரியாச் சொன்னாங்கன்னு சொல்லப் போறதில்லை! ஆனா சரியான பதில்களை கீழே தந்திருக்கிறேன். வாங்க, நேற்று பகிர்ந்த படங்கள் என்னன்னு பார்க்கலாம்…


படம் – 1

படத்திற்கான விளக்கம்: ஹரியானாவின் சூரஜ்குண்ட் பகுதியில் ஒவ்வொரு வருடமும் சூரஜ்குண்ட் மேளா நடக்கும். இந்த வருடத்தின் மேளாவின் போது எடுத்தது தான் இந்தப் படம். இந்த வருடம் சிறப்பு மாநிலமாக உத்திரப் பிரதேசம் மாநிலமும் சில வெளிநாடுகளிலிருந்தும் கலைஞர்களும் வியாபாரிகளும் வந்திருந்தார்கள். வெளி நாட்டிலிருந்து வந்திருந்த ஒரு குழுவின் நடன நிகழ்ச்சியின் போது எடுத்த படம் தான் இது. நடனத்தின் வேறு ஒரு காட்சி கீழே.


இந்த நடனத்தின் பெயர் Tanoura.  Sufi Whirling என்ற பெயரிலும் இந்த நடனத்தினை அழைக்கிறார்கள். நடனத்தின் போது அணிந்து கொள்ளும் கீழாடையின் பெயர் கூட Tanoura தான். மிகவும் அழகிய வேலைப்பாடுகள் நிறைந்த அதைச் சுற்றிச் சுற்றி ஆடும்போது நமக்கே தலைசுற்றுவது போன்ற ஒரு உணர்வு.  நடனம் பற்றி மேலும் தெரிந்து கொள்ள கூகிள் பாபாவின் துணையை நாடலாம்! நானும் ஒரு காணொளி எடுத்து வைத்திருக்கிறேன் – பிரிதொரு சமயத்தில் பகிர்ந்து கொள்கிறேன்.


படம் – 2

படத்திற்கான விளக்கம்: வேற ஒண்ணும் இல்லீங்க – இது நம்ம ஊர் பஞ்சு மிட்டாய் தான். கூடவே தில்லி அப்பளமும் தொங்க விட்டுருக்கு! தொலைதூரத்திலிருந்து பார்க்கும்போதே “அங்கே தின்பண்டம் இருக்குடோய்!” என குழந்தைகளை/பெரியவர்களை ஈர்க்க ஒரு யுக்தி! அவ்வளவு தான்.  இந்த பஞ்சு மிட்டாய்க்கு ஹிந்தியில் என்ன பெயர் தெரியுமா?  “Bபுடியா கா Bபால்!” அதாவது கிழவியின் தலைமுடி!


படம் – 3

படத்திற்கான விளக்கம்: டான் படத்தில் அமிதாப் மற்றும் ஜீனத் அமன் பாடல் – “காய்கே பான் Bபனாரஸ் வாலா” பாடல் மிகவும் பிரபலமான பாடல். எல்லோருமே பார்த்திருக்கக் கூடும் இல்லையா? அந்த Bபனாரஸி பான் படம் தான் இது!  பாடல் ரசிக்க நினைத்தால் இங்கே ரசிக்கலாம்!


படம் – 4

படத்திற்கான விளக்கம்: அலுவலகங்களில் பயன்படும் ஒரு பொருள் அரக்கு – ஹிந்தியில் லாக் என்றழைக்கிறார்கள்.  அந்த லாக் வைத்து வளையல்கள் செய்வது ஹைதை மற்றும் வடக்கே இருக்கும் பழக்கம். நிறைய விதங்களில் இந்த லாக் வளையல்கள் கிடைக்கின்றன.  இப்போது இன்னும் மாடல்கள் வந்து விட்டன.  அப்படியான லாக் வளையல்கள் தான் இவை – இவ்வளவு பெரிது பெரிதாய் போட்டுக்கொள்வது தான் ஃபேஷன்! தில்லி பெண்கள் காதில் போட்டுக்கொள்ளும் பெரிய பெரிய தொங்கட்டான் பார்க்கும்போது நம்ம ஊர் பாம்படப் பாட்டிகள் தான் நினைவுக்கு வருகிறார்கள்!


படம் – 5

படத்திற்கான விளக்கம்: சத்ரபதி ஷிவாஜியின் பிறந்த நாளான 19 ஃபிப்ரவரி அன்று பிரம்மாண்டமான கொண்டாட்டங்கள் மஹாராஷ்ட்ரா முழுவதுமே அமர்க்களமாக இருக்கும். தலைநகர் தில்லியிலும் இந்த முறை கொண்டாட்டங்கள் இருந்தன. என்னுடைய பதிவு ஒன்றிலும் படங்கள் மற்றும் காணொளிகளை இணைத்திருந்தேன் – [ஷிவ் ஜெயந்தி – சத்ரபதி ஷிவாஜி – புகைப்பட உலா] அந்த கொண்டாட்டத்தில் பயன்படுத்தப்படும் இசைக்கருவிகள் தான் இவை.  டோல் என்ற பெரிய மேளம் கூடவே இந்த கருவியையும் பயன்படுத்துகிறார்கள். இந்தக் கருவியின் பெயர் தாஷா – பயிற்சி முடிந்த பின் தலைகீழாக வைத்திருக்கிறார்கள்!

என்ன நண்பர்களே, புகைப்படங்கள் பற்றிய தகவல்களை அறிந்து கொண்டீர்களா?  வேறொரு புகைப்படப் புதிர் பதிவில் விரைவில் சந்திப்போம்.

மீண்டும் ச[சி]ந்திப்போம்…

நட்புடன்

வெங்கட்
புதுதில்லி.

சூரஜ்குண்ட் மேளா 2018 – புகைப்பட உலா – பகுதி - 1



ஹரியானாவின் சூரஜ்குண்ட் பகுதியில் ஒவ்வொரு வருடமும் சூரஜ்குண்ட் மேளா நடக்கும். வருடா வருடம் மேளாவிற்குச் செல்வது தொடர்கிறது. இந்த வருடமும் நானும் நண்பர் பத்மநாபனும் மேளாவிற்குச் சென்று வந்தோம்.  வருடா வருடம் ஏதாவது ஒரு மாநிலத்தினைச் சிறப்பு மாநிலமாக தேர்ந்தெடுத்து அங்கிருந்து கலைஞர்களையும் கலை விற்பன்னர்களையும் அழைப்பார்கள். இதற்கு முந்தைய வருடங்களில் நடந்த மேளாக்களில் நான் எடுத்த புகைப்படங்களை முன்னர் பகிர்ந்து கொண்டிருக்கிறேன். அப்போது பார்க்காதவர்களின் வசதிக்காக, முந்தைய பதிவுகளின் சுட்டிகள் கீழே தந்திருக்கிறேன்.

Saturday, February 24, 2018

என்னன்னு சொல்லுங்க – புகைப்பட புதிர்



சில மாதங்களுக்கு முன்னர் புகைப்படங்களை வெளியிட்டு அவை என்ன என்ற கேள்வியைக் கேட்டிருந்தேன். இரண்டு பதிவுகளுக்குப் பிறகு வெளியிடவில்லை. இதோ இப்போது மூன்றாவது புகைப்படப் புதிர்.  வாங்க, படம் பார்த்து என்னன்னு சொல்லுங்க….


படம்-1

Friday, February 23, 2018

குஜராத் போகலாம் வாங்க – வெண் பாலை – எங்கெங்கும் உப்பு



இரு மாநில பயணம் – பகுதி – 11

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரு மாநிலப் பயம்” என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


ஆதவனின் மறைவு....
வெண் பாலையில்....

மதிய உணவு முடித்து சற்றே ஓய்வெடுத்த பிறகு, மாலை தேநீர் சுடச்சுடக் குடித்து, தங்குமிடத்திலிருந்து புறப்பட்டோம். மாலை நேரத்தில் வெண்பாலையில் சூரியன் மறையும் காட்சி பார்க்க வேண்டும் என்பது தான் எங்கள் நோக்கம்.  வெண் பாலை என ஏன் அழைக்கிறார்கள் – இந்தப் பகுதி முழுவதுமே மண்ணே உப்பு தான் – வெள்ளை வெள்ளையாக பூத்துக் கிடக்கும். பகுதி முழுவதுமே உப்பு சதுப்பு நிலங்கள்! பொதுவாக மணல் சதுப்பு நிலங்களைத் தான் நாம் பார்த்திருப்போம். இங்கே இருப்பவை உப்பு சதுப்பு நிலங்கள். இந்த இடத்தில் தான் வருடா வருடம் ரண் உத்சவ் கொண்டாடுவார்கள். அதைப்பற்றி படித்திருக்கிறோமே தவிர நேரில் பார்த்ததில்லை.

Thursday, February 22, 2018

ஷிவ் ஜெயந்தி – சத்ரபதி ஷிவாஜி – புகைப்பட உலா





சத்ரபதி ஷிவாஜி அவர்களின் பிறந்த நாள் இந்த முறை பல இடங்களில் கொண்டாடப்பட்டது – ஃபிப்ரவரி 19-ஆம் தேதி தலைநகரிலும் ஷிவ் ஜெயந்தி 2018 என்ற பெயரில் திருவிழா நடக்கப்போவது பற்றி 18-ஆம் தேதி தான் தெரிந்தது. 18-ஆம் தேதி வேறு ஒரு விழாவிற்குச் சென்றபோது தான் விழா பற்றிய பதாகை பார்த்தேன். நான் 18-ஆம் தேதி சென்ற போது கோல்ஹாபூர் [மஹாராஷ்ட்ரா]விலிருந்து வந்திருந்த இளைஞர்கள் டோல் எனப்படும் கருவியை இசைத்தபடி வீர முழக்கங்கள் எழுப்புவதைப் பார்த்தபோது அடுத்த நாள் மாலை விழாவிற்குச் செல்ல வேண்டும் என முடிவு செய்திருந்தேன் – நாம் முடிவு எடுத்துவிட்டால் போதுமா? அடுத்த நாள் பார்க்க முடிந்ததா?